Şerri Siciller

Tesviye-i ahz ve i'tasına me'mur buyurulmuş olduğum sarraf tâifesinden Haçador oğlu Artin zımmi kullarının Konya sancağı dahilinde kâin Seydişehri kazasında mütemekkin sabık Hadim kazası nâibi Hacı Kadı oğlu Mehmed Nuri Efendi dâileri zımnında bâ-tahvil ma' güzeşte on bir bin kuruş matlubu bulunmuş ve mersumun şuna buna olan külliyetlü ve bunun te'diyesi bu makul-ı matlûbenin tahsiline memnu' görünmüş olmağla mezburun Efendi-i muma ileyh dâilerinden tamamen ve kâmilen bi't-tahsil bu tarafa tesbiti mutazammın Konya Valisi devletlü Paşa hazretlerine hitaben bir kıta emirnâme-i sâmii cenâb-ı vekâletpenâhilerinin tastir ve i'tası hususuna müsâadeten aliyelerde şâyan buyurulmak babında emrn u ferman hazret-i men lehü'l-emrindir.

Sarraf Haçador oğlu Artin'in Konya sancağı dahilinde kâin Seydişehir kazası sakinlerinden sabık Hadim kazası nâibi Hacı Kadızâde Mehmed Nuri Efendi zımnında alacağı olan bâ tahvil ma' güzeşte on bir bin kuruşluk tahsiliyle bu tarafa hususu mersumun tesviye emrine me'mur Kapı Kethüdalarından izzetlü Şevket Bey tarafından bâ takrir ifâde olunmuş ve sûret-i iş'ara nazaran mersumun divan vakasında te'diyesi bu makule matlubâtının tahsiline mutavakkıf bulunmuş olmağla meclis ma'rifeti ile .............. mübeyyin eylediği halde mebâliğ-i mezburun ma' güzeşte tahsiliyle bu tarafa ............. hususuna hemen buyurmaları siyakında şukka-i ............... terkim kılındı.

ALADAĞ AYANI HACI MEHMET

Ser maktu' ihtiyaten siyasetgah-ı vaz olunmasında vürud eden Tatarlara ilbâs-ı hil'at ve müşarun ileyhimaya başka başka iktizasına göre cevab tahrir oluna .

Karaman valisi Ebubekir Paşa bendelerinin varit olan kaimesidir. Hakkında Karaman kaza cereyan-ı süduruna binaen ayanı olduğu Aladağ'dan firar ve İçil'de ihtifa etmiş olan Hacı Mehmet bu defa .............. mutasarrıfı Selim Paşa kulları tarafından ahz ve iğdam yerlebir maktuuylamaktul-ı merkum yanında zuhur eden bir takım senedâtı Tatar odabaşısına teslimen valiy-i müşarun ileyhe gönderilmiş ve ol-daki zik olunan ser maktu' memhur-ı senedâtı ve bu babda müşarun ileyh Selim Paşa tarafından kendün gelen tahriratı Odabaşı muma ileyh ile dersaadetlerine irsal eylemiş olmağla manzur-ı hümayun şahaneleri buyurulmak için arz ve takdim kılındı. Müşarun ileyhimaya iktizasına göre sevb-i abidarımdan hilat iksa olunub ser maktu'-ı mezkurun hasbe'l-vakde nihade-i mevki' ibret kılınub kılınmaması hususunda .

Devletlü saadetlü mürüvvetlü devletlü karındaş mekâd-ı mekâdım sultanım hazretleri

-- Tevcihle irade-i seniyye-i melükameleri müteallık ol-varisi ona göre icrasına ibtidar olacağını ve memhur sened denilen evrak bima'l olduğu meyyit-i ilm-i alimleri buyuruldukta emr-i Karaman hazret-i men lehü'l-emrindir.

Her hakkında Karaman kaza cereyan-ı hudut eden Aladağ ayanı Hacı Mehmet nam akemce firar eylemiş ve İçil sancağında bir mahalde bu ana kadar mestur ve muhtefi devletlü Selim Paşa karındaşımız sevb-i senaveriye ifade ve ihbar olunmuş ve şaki merkumun tertib-i cezası tahrir ve iş'ar kılınmış olub müşarun ileyh hazretleri infaz-ı emr-i celilü'l-kadir Tara Odacıbaşısı yediyle ser maktuunu cenab-ı huluskâriye bir takım memhur-ı senedât ile irsal buyurulmuş ve bu defa müşarun ileyh hazretlerinin Odabaşısı sehabetiyle siyasetgah-ı daru's-saltanatü's-seniyye-i memhur-ı senedâtıyla itare ve takdim kılınmış olduğu bi-lutf-ı taala ma'lum-ı mehA3sin-i ölüzum mu'teberâları buyuruldukta tevcihde ol-babda idâre-i mekar-ı mekrin ve her halde dâiy-i güzin meâliy-i rehin-i sâmilerinin büruz-ı senuhatına terekküb ve intizar hulusetârımız meczum-ı atufet melzum-ı rü'faneleri buyuruldukta bunun böyle dahi meyane-i muhaleset-i metânede beyhûdekar olan mevâlât-ı kalbiyye ve müsafât gayr-i zaile ile deruniyye-i mezkur teceddüt ve te'kidini müstelzim hâlet-i ihlâ nevazı ve kifayet-i muhlis sazinin peyderpey revga ve vukuuna sarf-ı gencine-i himmet ve her vechile bezl-i nakdine mürüvvet ve bu cihetle senavir bi meraların kırık feyz ve mesret buyurmaları menuta şime-i mürüvvet-meşime-i atufileridir sultanım. 9 Safer 36

ALADAĞ VERGİLERİ

14 Cemaziyelevvel 77

Çelebi Efendi hazretlerine

Konya sancağı kazalarının geçen altmış dokuz senesine mahsuben i'şârı mahallince müzayede olduğu sırada Aladağ kazasının i'şarı dahi doksan iki bin iki yüz kuruş bedel ile Serdaroğulları üzerinde takdir etmiş ve meblağ-ı mezkurenin otuz bin yedi yüz kuruş olarak iradesinde ve taksit başısı olan kezalik olmakta meblağı Eylül'de ve diğer taksiti Kanun'da i'ta olmak şartıyla Konya taraflarından Çivioğlu Dimitri tarafından muvakkaten bir kıta kefalet olarak tahvil vermiş ve keyfiyet-i cenâb-ı hazine-i celileye bilidirlmeyüb iradesi zuhuruna terkib olunmakta iken Konya valisi Debvletlü Paşa hazretleri zuhur-ı iş'ardan ola sair mültezimin ve kefelât bir akçe tahsil etmeksizin muamele-i tahkiriyye ile bayağı icbar suretinde taksit mültezimden kamilen tahsil eylemiş ve her nasıl ise Eylül duhul eylediği gûne zabıtlar ta'yiniyle Meclise götürüp bu gûne taksit-i sâniyi isterim ve hapsi iderüm diyerek namusunun izalesini mucib olur. Gülhan-ı izarında mukaddema verilen ............... kendü kesesinden muhafaza-i namusu için ifa olunmak ve her mültezimden bir akçe alınmış ve ale'l-husus asıl mültezim Konya'da bulunmuş olduğundan bu gün kendüsünden talep olunmuş her ne kadar ifade ve niyaz kılınmış ise de kabul eylemeyüb ve bir gece haklarında habishanede yaturub ferdâsı Meclis-i idareye kefaletle halâs-ı mahkeme olmuş ve cümle mevacihesinde bos mertebe tahrirat-ı lisaniyye ile dahi izafe eylemiş olub karındaşı havanin-i teveccühünden dolayı Konya Eyaleti dahilinde i'şar ile rusumattan bâ-tahvilât bunca alacağının mültezimin yerlerinde kalmış bu muâmeleyi gayr-i layika sebeb vermiş olduğu misüllü kendüsüne dokunmak üzere şerik ve müşriklerinin umurlarına sekene ibrası elzem ve hatta şeriki bulunan Franklı sarrafım mukaddema Konya'da Bigadiç beş mah tevkif ile ....................................... ahz ve i'tasını ta'til ettirilmiş olmak ve mersum sarrafımın kabahati ise Frenk karyesi ahalisine tevzi' olunan hamam akçesine bi'l-irade Razaz ? veledi Dimitri'den 3ibaret bulunan ve merkum sâir gurubât ile karyesine on sekiz saat mesafe olan Ereğli'ye üç mah müddetle nefi ettirilmek ve mersumun hanesi tarafından etmesine mebni müdür-i kazadan ruhsat ve beyanına iki nefer zabıtalardan bir günde karyesine ve ferdasına Ereğli'ye geldiği müşarun ileyh aksi ettiği anda beş nefer zabıta tayin ve i'zam olunub mersum dahi hakkında olacak muamele havfından ihtika eylemiş melabisi lehiyle hakikatin sevb-i valalarından ve meclis a'zası taraflarından isti'lamla gelecek cevaba göre Meclis-i valada icray-ı muhakeme olması bâ-arzuhal inha ve istida Meclis-i valaya ledü'l-havale hakikat-ı mâlde doğrudan doğruya iş'ar olunmak üzere sevb-i valalarından istiknahı Meclis-i valada tezekkür olunmuş olmakla bir şevval muharrer hakikat-i keyfiyetin inhasına himmet buyurmaları siyakında şukka.

ALADAĞIN KARAMANA BAĞLANMA KARARI

Dahiliye Nezaret-i Celilesine

Maruz-ı çakerkemineleridir.Aladağ nahiyesi ahalisi tarafından verilen arzuhal-i umumide bidaye-i teşkilatta Hadim kazasına rabt ve ilhak olunmuşlar ise de nahiye-i mezkurun otuz altı kuradan ibaret olub kura-i mezkurenin en yakını kaza-i mezkure sekiz ve çokları on beş yirmi saati mütecaviz ba'de mesafede bulunduğundan emval-i miriyenin kaza-i mezkure Mal Sandığına sevk ve irsalinde olan ..................... başka adem-i mahsusayla gönderildiğinden .............. tarik hakkından hali olmadıkları gibi zabıta ve tahsildarlar marifetiyle gönderilmesinde dahi ziyan-dide olduklarından ve kaymakamlık ....................... on beş yirmi haneden ibaret olarak gurabanın ikamesine mahsus han ve kahvehane ve me'külat vesaire ahz edecek çarşı Pazar olmamasıyla sokak aralarında ve devletçe vuku'bulan tekâlifeden kendilerine ziyadece ifraz olunmakta idüğünden nahiye-i mezkurenin Hadim'den tefrikiyle ............... ve han ve kahvehane ve çarşı ve pazarı olan Larende kazasına rabt ve ilhakı beyan ve istida olunmuştur. Mezkur Aladağ nahiyesi ahalisi taraflarından evvelce bu yolda vuku'bulan istida üzerine sebk eden işâra cevaben Larende kazası Meclis-i idaresinden varit olan mazbatada nahiye-i mezkurenin Karaman'a mesafesi dokuz on ............. ibaret olunduğu beyan ve işâr olunmasıyla istida olunduğu vechile Hadim kazası sengizistan olduğu gibi mezkur kazada çarşı ve pazar bulunmadığından başka nahiye-i mezkurenin ekser kurası uzak olmasıyla saye-i ................ cenab-ı padişahiyede nahiye-i mezkure ahalisinin ber vech ma'ruz ba'de mesafe cihetiyle mütesadif oldukları ahval temeyyüz olunamayıp huzur ve asayiş-i dâimelerinin istihsal ve ............. zımnında nahiye-i mezkurenin Hadim kazasından tefrikiyle Karaman kazasına rabt ve ilhakı Meclis-i İdare-i Vilayette bi't-tensib icab-ı mahallerin işâr kılınmış olmakla ol-babda emr u ferman hazret-i lehü'l-emrindir.

8 Cemaziyelevvel 1298 / 26 Mart 1297

ARAZİ DAVASI

Defter Emaneti Riyasetine

Atufetlü Efendim Hazretleri

Hadim kazasına pınar karyesi ahâlisnden Hacı Ahmet Kethüdanın oğlu Ali'nin uhde-i tasarrufunda olub gaybûbeti cihetle bedel-i ma'lum ile talebe-i ulumdan Mustafa Efendinin füruhat olunan araziden dolayı merkum Ali tarafından vuku'bulan istidaya havale-i samiy-i ağyar olması hakkında mesbuk iş'ar üzerine kaza-i mezkur Konya eyâletine mülhak olup keyfiyetinin oraya iş'ar iltiması lazım geleceği ifâdesine dâir Burusa mutasarrıfı vekili tarafından kalan şukka manzur-ı atufilerde buyurlmak üzere leffen irsal kılınmış olmakla sûret-i iş'ara nazaran iktizasının icrası hususuna himmet buyurlmak siyakında ytezkere-i hulusvari terkim kılındı.

Maruz-ı çaker kemineleridir ki

Mefâd-ı emr ve iş'ar i'ta-i vekaletpenahileri ve tahrirat-ı melfufe müerrası malum acizle olmuş ve merkum Ali'nin müdahale etmekte olduğu arazi Konya sancağına tabi' Hadim kazası dahillinde bulunduğu anlaşıldığından icâb-ı hal Konya Valisi devletlü Paşa hazretlerine bi't-tahrirât çaker iş'ar olunmağla ol-babda emr u ferman hazrte-i men lehü'l-emrindir.

ASKER KAÇAKLARI VE TOPLANAN VERGİLER

Konya Valisine ve bi't-tasarruf Alaiye Kaymakamlığına

Eyyam-ı sayfda Konya sancağı dahilinde kain Hadim kazasında ve mevsim-i şitada nefs-i Alaaiye'nin Sedre nam mahallinde iskan etmekte olan Ali Efendi ve keşşaflı ve ispatlı hün-i idaresiyle zimmetlerinde müterakim akçenin ve redif bakayasından üslub-ı hekimane ile ahz ve istihsaliyle bir gün uygunsuzluğa yüz yol bulamamaları ve sâik-i lâzımesinin istikmaline dâir gönderilen tahrirata cevaben Konya Meclisinin tevârüt eden mazbatasında aşâir-i merkum ve sâyay-ı lazıme icrasıyla vergi mürettiblerinden bakaya kalan mebâliğ ile âsakir-i redifenin ahz ve tahsili zımnında çend-i nefer zabtıyla bir çavuş kaza-i mezkur müdürüyle müftisi Emin Efendi yazılmış ve bakaya kalan akçeyi almak ve asakir-i redifeyi dahi mensup oldukları orduya göndermek üzere bir kıta defter ile me'murin-i kaza-imezkure asya-i Alaiye Kaymakamlığına iş'ar olunmuş ise de aşâyir-i merkumenin bir akçe bakayaları olmadıktan başka yetmiş sene vergileri olan 5440 kuruşunun 4397 kuruşu te'diye ve dokuz nefer asâkir-i redifiye dahi i'ta edecek firarilerin dahi derdest edib irsale müteahhid olduklarından ve vergi bakayalarının teslimatını mübin bedellerinde bulunan ilmühaberi ibraz eylediklerinden zikr olunan me'mur ve defterin vürudunda muhasebelerin bi'r-rü'ye tebeyyün edecek defteriyle derdest olunacak redif firarileri ve irsal olunacağı kaza-i mezkur meclisinden iş'ar olunmuş ve meblağı gelecek merura verilmek üzere tevkif kılınmış idüğüne binaen talep olunan memur ve defterin sürat-i tesyârı kaymakam mumaileyhin te'kid olunduğu inhâ ve iş'ar kılınmış olmasıyla keyfiyet-i meclis olan ledü'l-havale zikr olunan defter ve me'murun kaza-i mezkure vsürat-i tesyarıyla aşâyir-i merkume muhasebelerine bir vech-i hakkaniyet rü'yet ve tesviye olunarak tebeyyün edecek zimmet-i miriyelerinin tamamen tahsiliyle ism-i neferat-ı merkum kusurunun dahi hüsn-i suretle bi'l-ahz mensup oldukları orduy-ı hümayuna gönderilmesinin kaymakam muma ileyh ve bunların reyine şevketvâye hazret-i şahanede hiçbir taraftan muâmele-i bârda ve rencide görmeyerek her hal u karda istihsal, esbab-ı refaha varışları ve sail matlubesiçün istihsal kılınmasının dahi sevb-i düsturlarına bildirilmesi tezekkür olunmuş ve keyfiyet başkaca kaymakam muma ileyhe yazılmış olmakla ber zeval muharrer iktizay-ı hâlin ifasını himmet buyurulnası siyakında şukka.

AŞAĞI HADİM

Daire-i Nezareti Dahiliyyesi

Ma'ruz-ı Çaker-i kemineleridir.

Hayli vakitten beri tarik-i şakavette bulunan Hadim kazasının Aşağı Hadim kazasından ihtiyar Mustafaoğlu Ali şahsın arz-ı dahalet ve istiman eylediğinden bahisle husus-ı şahs-ı davası baki kalmak üzere kabul-ı dahaleti ve merkumun Konya'da ikametinden dolayı gözüne ağrı sari olması cihetiyle taht-ı ittifakla mahalle iadesi istizanına dair Konya vilayetine alınan 6 Temmuz sene 313 tarih ve yüz altmış üç numaralı tahrirat leffen taktim kılınan suret-i iş'ara nazaran .......... ifası ....... rûy-ı zerin cenab-ı sedaretpenahileridir. Ol-babda emr u ferman men lehü'l-emrindir.

AŞAĞI HADİM VERGİSİ

Konya Vilayetine

Konya Sancağı dahilinde kâin Hadim kazasına tabi' Aşağı Hadim karyesi ahalisi tarafından takdim olunan bir kıt'a arzuhalde karye-i mezkur âhalisinin vergüsü altmış yedi tarihinde nizamına tevfiken ta'dil ve tasviye olunarak ahâliden Osman Çelebioğlu Mehmet ağa ile karındaşlarına temettu'ları itibariyle beş yüz altmış dokuş kuruş vergi isabet eylemiş olduğu halde sene-i mezkureden berü ikişer yüz kuruş verüb baki üç yüz altmış dıkuz kuruş vermemekte olduğu ve bu babda müdür-i kaza vesâire tarafından her ne kadar kendüsüne tenbihat-ı lâzıme icra olunmuş ise de havale-i sem'-i i'tibar etmediği beyanıyla sâlefü'z-zikr altmış yedi senesinden yetmiş iki tarihine kadar terakim etmiş olan iki bin iki yüz on dört kuruş vergü bakayasıyla altmış yedi senesine mahbusen bede'l-a'şardan bakaya kalan yüz on altı kuruşun merkumlardan tahsili hususu inha ve istida olunmaktan nâşi keyfiyet-i Meclis-i Valaya ledü'l-havale bunların mahsus olan vergüleriyle a'şar-ı bedelâtını tesviye etmeleri vaki' ise su-i emsal olacağı cihetle gayr-i câiz görünmüş olduğundan tahkikatı lazıme icrasıyla siyak-ı istida muvafık-ı nefsü'l-emmare ile meblağ-ı mezburun tahsili hususunun sevb-i Valalarına bildirilmesi tezekkür olunmuş olmağla ol-vechile icâbının icrası hususuna himmet buyurulması siyakında şukka.

BERBER BURİ

............. ............ inâyetlü atufetlü oğlum efendim hazretleri

Radovişte ahâlisinden olub mukaddemâ bu son su-i i'tikadı istihbar volunarak tashih-i i'tikad ile kesb-i salah hal etmek üzere bâ emr-i âli Hadim kazasına nef'i olunmuş olan Berber Buri nam kimesnenin müddet-i nefi on iki seneyi tecavüz etmiş ve iyal u evlâdı düçâr-ı sefâlet olmuş idüğünden bahisle merhamet-i avf ve itlakı hususu merkum ba arzuhal niyaz ve istirham etmiş ve keyfiyetin tahakkuku sevb-i senâviyyeden atüfetlü Karaman Eyaleti müşiri hazretlerine iş'ar olunarak mahallinden ledü'l-istiğlam merkumun tashih-i i'tikad ile kesb-i salah hal etmiş idik de ifade ve i'lam olmuş ve i'lam-ı mezkur müşir müşarun ileyhin bir kıt'a tahriratıyla vürud ederek manzur-ı âliy-i cenab-ı cihandarı buyrulmak üzere mersul-ı suy-ı atufiyyeleri kılınmış olmağla mewrkumun merhamet-i avuf ve itlakı hususunda tevcihle irade-i merhametâde-i hazret-i melükane müteallık buyurulur ise işârı menut-ı himmet behiyeleridir.

Maruz-ı çaker kemineleridir ki

Esâbi'-i zîb ta'zim olan iş bu emrinâme-i vekâletpenahileriyle zikr oluna i'lam ve tahrirat-ı mübareke ve mualla hâkipây-ı hazret-i tâcidâriye arz ve takdim ile manzur-ı merahim mevfur cenâb-ı cihandârı buyurularak fi'l-hakika merkum tashih-i i'tikad etmiş ise merhamet-i afv ve ıtlakı hususuna müsaade şefkatâde cenâb-ı züllullah arzan buyurulmuş olmağla ol-babda emr u ferman hazret-i veliyyü'l-emrindir.

DÜLGERLER

Dahiliye Nezaret-i Celilesine

Devletlü Efendim Hazretleri

Karaman kazasına tabi' Aladağ nahiyesi müdürlüğünün muayyen merkezi olmadığına rü'yet-i umur-ı nahiyece müşkilat çekilmekte ve kurây-ı mevcûdeden birinin merkez nahiye ittihazıyla orada bir hükümet konağı inşası cümle-i şeref-i hükümette olduğu gibi mehâsin-i adide ............ şamil bulunacağı cihetle nahiye-i mezkûrenin vasatında bulunup her vechile nahiye merkezi olmaklığa münasip olan Dülgerler karyesinin nahiye merkezi ittihazı ve bi'l-rıza iânât-ı ahâli ile ve altı bin kuruşla karye-i mezkûrede fi'l-vakıa nahiyenin vasatında kâin olmakla beraber nahiye merkezi ittihazına layık ve iânât ile ve ber-mûcib-i keşf altı bin kuruş sarf ile karye-i mezkureden bir hükümet konağı inşası bedâhet mutabık olacağından meclis-i idare-i vilayetçe bi't-tensib erbab-ı hamiyyet ...........bi'l-rıza iânesine müracaat olunarak ifây-ı muktezası ve zinbar bir gûnâ cebr ve tazyik vukua getirilmeyerek rızası olmaksızın kimseden iâne talep olunmaması ve iânât ve harfiyatça su-i istimal ve ihtilası vuku'bulmasına ............ iâne ile hitamında iânât-ı vak'a ile inşaat masrafının ale'l-infirad musaddak ve muntazam defterinin irsali kazay-ı mezkur kaymakamlığına yazılmakla arz-ı malumat ve cür'et olur. Ol-babda emr u ferman hazret-i men lehü'l-emrindir.

14 ............... 1308 / 29 Nisan 1308

Konya Vilayeti Valisi

ECZACI KALFASI

Maliye Dairesinin 15 Şaban sene 317 tarihli zabtı suretidir.

Mehmet Rıza mührüyle Şuray-ı Devlete irsal olunub Maliye Dairesinde kıraat olunan arzuhalde eczacı zâbıtânından iken Konya'ya tab'iyet ve üç kuruş yevmiye tahsisi kılınmış olduğu halde muahhiren yevmiyesi kat' olunarak Hadim kazsına nef'i edildiğinden ve müzâyikası son dereceye vâsıl olduğundan bahisle taleb-i muaddelet olmuştur.

Tahkikât-ı kuyudiyye icra olundukta muma ileyh tarqafından mukaddema vaki' olan istida ve ol-bbada cereyan eden muhâbere üzerine takdim kılınan 4 Muharrem sene 315 tarihli mazbata kendüsüne üç kuruş yevmiye tahsisi kılındığı anlaşılmış ve muma ileyhin istidası icray-ı münderecâtı şikayeti mutazammın olup bu gibi mevâdın tetkik ve müzâkeresi Mülkiye Dâiresine ait mevâddan bulunmuş olmağla istidây-ı mezkurun işbu zabıt suretiyle dâirey-i mezkûreye tevdiine karar verildi. Aslına mutabıktır.

ECZACININ HADİME ISLAH İÇİN GÖNDERİLMESİ

Şurây-ı Devlet Riyaset-i Celilesine

Devletlü Efendim Hazretleri

Eczacı zabıtlığından bi'l-ihraç Konya'ya teb'id ve üç kuruş yevmiye tahsisi kılınmış olduğu halde muahhiren bazı isnâdâqt garazkarâne ile yevmiyesi kat' ve Hadim kazasına nakli ile mağdur ve mutazarrır edildiğinden bahisle taleb-i mu'deleti havi Mehmet Rıza mührüyle Şurây-ı Devlete irsal kılınan arzuhal Mülkiye Dâiresinde ledü'l-karar muma ileyh fi'l-hakika 4 Muharrem sen 315 tarihinde Maliye Dâiresinden tanzim ve takdim kılınan mazbata mûcibince üç kuruş yevmiye tahsis edilmiş olduğundan anlaşılmasına ve sûret-i istidaya nazaran iş bu yevmiyenin bilahare kat'iyle kendisininde Konya'dan Hadim'e tahvil menfâsı esbâbının istifârı tezekkür kılındığından keyfiyetin ibkâsı mezkur Mülkiye Dâiresi kararıyla şeref-tastir buyurulan 10 Kanun-ı sâni sene 315 tarihli ve otuz numaralı tahrirât-ı âliye riyâsetpenâhilerinde izbâr buyurulmuştur.

Merkum Rıza mukaddemâ Girid'de eczacı yüzbaşı iken bir aralık Yunanistan'a firar ile neşriyât-ı bed-havahânede bulunmak istemiş iken celb ile icra olunan tahkikatta efkâr sâime erbâbından olduğu anlaşılmasıyla berâber bâ-irâde-i seniyye-i hazret-i p^dişâhi sulk-ı askeriyede tard ile zâbıtaya nazâret-i âliyesinin 14 Eylül sene 311 tarihli tahrirâtıyla mahfuzen Konya'ya gönreilmiş ve buraya geldikten sonra baz'zı müsâva-i ahvaline mebni birkaç kere ceza mahkemesine tevdi' ile mahkum dahi olmuş idi.

Muahhiren sirkat kastıyla Beyşehir kazasında vaki' Tuğna?? karyesinde kâin pederine âit olan zâhire ambarlarını şikest ederek yine Yunanistan'a firar etmek üzere savuşmuş ve mülhakât vuku'bulan tebligattan bir ay sonra Antalya cihetlerinde derdest ile mahfuzen Konya'ya getirilip bu vuku'ât ve mahkûmiyetinden dolayı Dâhiliye Nezâret-i Celilesiyle bi'l-muhabere mahbusu bulunduğu müddetçe yevmiyesi kat' ile yine bu kâbil ikâmete me'mur eşhastan ihtiyaç ve zarûreti tahakkuk ile diğer birine verilmiş ve merkum habishaneden çıktıktan sonra her türlü ve besâit-i nakliyenin mûcib bulunduğu Konya kasabasında bekâsı gayr-ı câiz görülmüş ve esâsen kendüsü Konya vilâyetinde menfi bulunmuş olduğundan evvela Bozkır kazasına gönderildiği halde oradan dahi firar etmekle tahkikat ve taharriyât icra olunarak tekrar derdest ve vesâit teshiliyye-i firâriyyesi daha mahdud olan Hadim kazasına i'zam olunarak el-yevm orada ikâmet ettirilmekte bulunmuştur. Ol-babda emr u ferman hazret-i men lehü'l-emrindir.

26 Ramazan nsene 317 ve 15 Kanun-ı sâni sene 315

Mehmed Ferid [Mühür]

EDİRNELİ ŞEH MEHMEDİN HADİMDE ISLAH EDİLMESİ

İşbu takririn müşarun ileyh Esad Paşanın kaime-i manzur ve ma'lum-ı hümayunum olmuştur. Şeyh olan zat kendileriyle meşgul olup Sukud-ı ihlal bilad-ı mucip olacak kar-ı mekruha da bulunmamalıdır. Artık her ne ise Hadim müftü vesair uleması taraflarından merkumun ukud itlakı niyaz ve istirca olunmuş ve müşarun ileyh dahi nefs-i Edirne'de ikamet etmemek üzere itlakını inba ediyor. Bu suretle taktirindir. Beyan-ı müşarun ileyhin inbası üzere gelmeyüp ayâl ve evladıyla Dimetoka'da ikamet etmek ukud ve itlak oluna.

Şevketlü Kerametlü Mehabetlü Kudretlü Velüyülniğmetim Efendim

Cermen sancağı mutasarrıfı kullarının bu defa bir kıta kâimesi gelüp ............. Edirne sakinlerinden iken bundan akdem mugayir rıza harakete ictisarı tarafından bi'l-inba Hadim'e nefi ve icla olunmuş olan ................. Şeyh Mehmed'in ................. ıslah-ı nefs etmiş olduğu Hadim Müfti vesair uleması caniplerinden bâ tahrirat inhâ ve ukud itlakı hususu istirca olunmuş olduğundan ve müddet-i nefi ve iclası haylice vakit olarak ayâl ve evlâdı dahi ..................... kalmış olduklarından bimislü ulemay-ı müşarun ileyhimin ve evlad u ayâlinin isticlâb-ı davât-ı Hayriyeleri İçün şeyh-i merkumun Edirne'ye gelmemek âyâl ve evladıyla Cermen sancağı dahilinde kain Dimatoka kazasına ikamet etmek üzere evf ve ıtlaki hususuna müsaade-i seniyye söz-avâr ve lâzımü's-sudur olan .............. alinin ısdar ve tarafına ba's ve tesyar buyurulmasını inba ve iltimas etmiş ve merkumun cünhe vak'asına mebni Hadim kazasına müebbeden nefsi ve iclası babında ....................... südur buyurulan hatt-ı hümayuna şevketmakrun-ı şahaneleri mantuk-ı münifi üzre sinn-i sayika evâhir-i Zilkade sende emr u şerif sürur etmiş olduğu .............. hümayunları kaleminden der-kenar ettirilerek manzur ........................ zille'llahileri buyurulmak için arz u takdim kılınmış olmakla muşarun ileyh kullarının inba ve iltiması vechile merkumun Edirne'ye gelmeyüp âyâl ve evlâdıyla Dimatoka'da ikamet etmek üzere ukûd ve itlakı hususunda tevcihle irâde-i seniyye-i melukâneleri müteallik buyurulur ise emr u ferman Şevketlü Kerametlü Mehabetlü Kudretlü Veliniğmetim Efendim Padişahım hazretlerinindir.

EVLİLİK

Konya sancağı Aladağ kazasına tabi' Aşağı Ekin ? karyeli Süleyman oğlu Hasan karye-i mezbure ahalisinden Derviş Ali Havace nam-ı kimesnenin Bekir baliğa kızı Haticeyi kendisine akd-i tezvice talib olub mezburenin .......... dahi dahi muvafakat edib fakat merkum-ı mezbureyi pederi dahi muvafakat edüb fakat merkum-ı mezbureyi akd olunmaksızın ve velime usulünü icra etmeksizin alıb İç-il sancağında Ermenek kazasına götürerek orada akd ettirdikten sonra kuray-ı mezbure avdet eyledikleri ve bunlar bi'l-istintak merkum Ali Havace mezburenin velime cemiyeti icrasına rıza göstermemiş olduğuna ve bu cihetle akdleri uzayacağını anlamış idüğüne binaen mezbureyi rızasıyla alub mezkur Ermenek kazasına giderek akd ettirmiş olduğunu merkum Hasan ifade eylemiş ve mezbure dahi ifadeten vak'ayı tastik etmiş olduğu ve merkum Hasan'ın uygunsuz takımdan bulunduğu beyanıyla Konya'ya gönderildiğiselefü'z-zikr Aladağ kazası meclisinden varit olan mazbatada inba olunmuş ve merkumun vuku'u madde sual olunmakta ifadeten vakıası mazbata-i mezkure halini musaddak bulunmuş ve Kanunnâme-i Hümayunda bu mesellü kız kaçırıp nikah ettirenler olduğu halde haklarında icâb-ı şer'inin icrası münderic ise de icray-ı cezalara bu vechile olacağına dair bir gün sarahat olduğunun merkum Hasan'ın suret-i te'diyetde tereddüt hasıl olarak bunun ve gerek bundan böyle kaçırılan kızlara nikah edüb .............. haklarında ne güna muamelenin icrası icab edeceğinin Meclis-i bezirganelerine istizanı tezekkür olunmuş olduğuna iktizasının emr ve iş'arı.

Akşehir kazası kurasından Nadir karyesinde müsaferet suretiyle Bozan Kıbti taifesinden Ali nam kimesne karye-i mezbure merkezlerinden Ali'nin kızı Bekir Baliğa Selime'yi mahfil-i kazada akd etmek üzere götürdüğünü ve mezburenin bikrini dahi izale eylediği ve mezbure validesi ................... verecek ise de anı istemeyüb merkum Ali'yi kad olunmak üzere merkumu teşvik ile gelmiş olduklarını ifade etmiş ve mezburenin pederi olmayub validesi Aişe Hatuna dahi kızı kimi ister ise ona vereceğini beyan ederek bu babda kendisi müddeiyye bulunmuş ise de mezburenin dayısı Süleyman merkum Ali .......... taifesinden olub küfüvi olmadığından akd olunmalarına muhalif eylediği ve bu sırada merkum Ali bir takrib firar edib yine derdest olunarak da mezbure ile beraber irsal kılındıkları kaza-i mezbureden .................. olunmuş ve mezbure ile merkum gelerek bi'l-istintak mezburenin rızasıyla karye-i mezbureden Akşehir kazasına gelirler iken Akşehir'e bir saat mahalde bikrini izale eylemiş olduğunu merkum Ali ifade ve beyan ve kendisini valide ve dayısı ........... verecek olduklarına binaen anı istemeyüb merkum Ali'ye akd olunmak üzere merkumu olarak Akşehir'e gelmiş olduklarını ve elân merkum Ali'yi istemekte [silik] Selime takrir ve dermiyan etmiş ve kanunnâme-i hümayunda bu mesellü akd etmek emeliyle ber-rıza tarafeyn ile merbut olduğu kaza mahfiline kız getirenler ile bu sırada bi'r-rıza fiil-i tetebbu' icrasına mebni sırr olanlar hakkında tevcihle muamele olunacağı münderiç olmadığından ve bu havalide bu makule şeylerin kesret üzere vuku'u melhuz bulunduğundan merkum Ali'nin hakkında ne suretle muamele icrası lazım geleceğinin ve derûn-ı şehir ve karyeden ............ çıkarılmaksızın rıza-i tarafeyn ile irae-i bikre i'tibar edenlerin ve öyle akd etmek .................... bi'r-rıza hanesinden kızı çıkarub gerek mahfil-i kazaya ve gerek kaza-i ......... götürüb fakat fi'l-i tetebbu' icra etmemiş olanların ne suretle icray-ı te'diyelerine kıyam olunması lazım geleceğinin emr ve iş'arı mütevakkıf emr u ferman ihbar-ı beyan sadaretpenahilere bulunmuş olunan ol babda emr u ferman hazret-i men lehü'l-emrindir.

HADİME POSTA MERKEZİ KURULMASI

Posta Telgraf ve Telefon Nezareti

Telgraf umuru Müdüriyyeti

İşletme Kalemi Hülasa-i Meal

Umumi Numarasu 1805 Hadim nahiyesine merkez küşadının

Hususi Numarası 126 atiye ta'likine dair

36235 numaralı ve 27 Teşrin-i sani 329 tarihli Melfufat

274 tezkere-i nezaretpenahileri cevabıdır

Dahiliye Nezaret-i Celilesine

Devletlü efendim hazretleri

Te'sisat-ı cedide için karşılık tedariki gayr-i mümkün bulunduğundan Hadim Nahiyesinde küşadı buyurulan telgraf merkezinin atiyew ta'likinin zarurui bulunduğu muvafıktır. Ol-babda emr u ferman hazret-i men lehü'l-emrindir

16 Muharrem 332 ve 3 Kanun-ı evvel 329

Posta ve Telgraf ve Telefon Nezareti

Meclis-i Umumiyye Kalemi

Dahiliye Nezareti Celilesine

Devletlü efendimm hazretleri

Posta ve Telgraf ve Telefon Nezaretinden cevaben vürud eden Teşrin-i evvel 329 tarihi ve 33/2 numaralı tahriratta Hadim nahiyesinde küşadına lüzum gösterilen Telgraf merkezinin masarıfatına haliye büdcesinde karşılık tedarikinin imkansızlığına binaen atiye terki zaruri bulunduğu iş'ar buyurulmuş ise de nahiye-i mezkure merbut olduğu Karaman kazası merkezine onn sekiz saat mesafede bulunub bir vaka ve cürüm tahtında ne merbut bulunduğu kazadan ve ne de civarından istiân edebilecek imkan ve vesâit olmamasına ve kış günlerinde âlelekser karla mestur ve mesdud kalarak posta ve tüccar münakilatı muattel ve tücâr-ı te'hir olması sekene-i memleketin ve vezâif-i hükümetin müşkilat-ı azimeye maruz kalmasını istilzam etmekte bulunmasına mebni, zikr olunan telgraf merkezinin atiye gayr-i muayyen ve mahduda ta'liki muvafık olacağından ve bu hususun tehir ve ta'liki hakkında içtima'-ı âtide hey'et-i umumiyyeye izahat i'tası makam-ı vilayeti müşkil mevki'de bırakacağından bu babda Nezaret-i müşarun ileyhaya karşı vesâtet ve inayet-i devletlerine müracaat ed,lmesi için vilayetçe tezekkür olunmağla iktizasının ifa ve enbâsı hususuna müsaade-i celile-i nezaretpenahilerinin şayan buyurulması babında emr u ferman hazret-i men lehü'l-emrindir.

4 Muharremü'l-haram 332 ve 20 Teşrin-i sani 329

HADİMİN BELVİRANA BAĞLANMA TEKLİFİ

Dahiliye Nezaret-i Celilesine

Konya sancağı dahilinde Hadim kazasının ............... olmakla beraber kaza-i mezkure merbut Aladağ nahiyesinin oradan ............. Karaman kazasına rabt ve ilhak olunması ve kaza-i mezkur vâridâtının cüziyeti cihetiyle mahall-i masarıfâtından az bir şey fazla kaldığı gibi akçe ................. dahi ........................ olduklarından kaymakamlık ................Hadim'den kaldırılarak ..................... ve münasebetiyle beraber telgraf hattının ......... olan Bozkır kazası dahilinde bulunan Belviran nahiyesine fazla hazine ve ahalice ............... mûcip olacağından bahisle icrây-ı icâbı mezkur Hadim kazası Meclis-i idare ve Mahkeme-i Bidayet heyetleriyle a'şar ve ağlam memur vesaire taraflarından varid olan iki kıta Mazbatada beyan ve iş'ar olunmuştur. Vakıa kaza-i mezkur sengistan olup varidat-ı seneviyyesi dahi masarıf-ı mahalliyeden sair kazalara nisbetle az bir şey artmakta olduğuna ve mezkur Belviran nahiyesinin mezkur Hadim kazasına ................ beraber cesamet ve mevkice dahi kazalığa şayan ve kaza-i mezkura merbut olduğu Bozkur kazasında kaldığı halde idarece bazı mertebe te'hiren vukuunu intac edeceği bedihi ve âşikar idüğüne mebni mezkur Hadim kazasının lağvıyla tahsisât-ı sabıkasına helal gelmemek ................. biraz merbut olmak üzere nahiyenin tahvili ve mezkur Belviran nahiyesinin dahi müceddeden kaza teşkili sebeb olunmuş ve bu suret ............... cenab-ı nezaretpenahilerini dahi ............... tasvib olunduğu halde doksan sekiz senesi martı ibtidasından i'tibaren icab-ı ifa olunmak üzere keyfiyetin irade ve ............... Maliye Nezareti celilesinde tebliğen muktezay-ı ifası ............... emr ve irade-i aliyye-i cenab-ı nezaretpenahileri bulunmuş olmakla ol babda emr ü ferman hazret-i men lehül emrindir.

22 Sefer sene 99 ve 31 Kanun-ı evvel sene 97

HADİMİN KARAMANA BAGLANMASININ ASKERİ AÇIDAN SAKINCALI OLDUĞU

Umum Erkan-ı Harbiye Dairesi

Şuray-ı Devlet riyaset-i vekalet-i celilesine

Devletlü Efendim Hazretleri

Aladağ nahiyesinin Karaman'a fekk irşadıyla Hadim kazasına rabtı hakkında olan evrakın irsal kılındığı beyanıyla bu babdaki mütalaa-i askeriyenin iş'arına dair varid olan 16 Muharrem sene 311 tarih ve yirmi iki numarada tezkere-i aliye âsifanelerde üzerine keyfiyet olunan ikinci orduy-ı hümayun müşiriyyeti vekalet-i celilesinde istifar olunmuştur. Bu kere gelen cevapta mezkur Aladağ nahiyesinde Karaman olan irtibatının fekkiyle Hadim kazasına rabtı bi't-tabi' nüfusununda işbu kazaya intikalini mucib olub halbuki Hadim kazası Karaman'a yirmi dört saat kadar bir mesafede bulunmakla beraber Karaman'da Hadim kazasına muntazam Posta ve Telgraf olmadığı mesellü yollarıda eyyam-ı şitada sa'bü'l-murdar .......... ve redif zabıtanı ise her-bar nüfusa müracaat mecburiyetinde bulunduklarından iş bu tahvil irtifat keyfiyetinde muâmelat-ı redifeyi tasib edeceği ve hasbe'l-icab on gün zarfında taht-ı silaha alınabilecek olan mezkur taburun seferberliğinin otuz gün kadar ızdarına sebebiyet vereceği dermiyan olunmuş ve şu hale nazaran nahiye-i mezburenin Hadim kazasına rabtı cihet-i askeriyyece tahviz olunamayacağı derkar bulunmuş ılduğundan cevaben sevb-i âli................... erkan-ı harbiye-i umumiye dairesinin ifade ve salefü'z-zikr evrak matbuan iade kılınmak ol-babda emr u ferman men lehü'l-emrindir.

26 Receb sene 311 ve 27 Kanun-ı evvel sene 309

ILICIPINAR SAMANLIK DAVA SONUCU

Maruz-ı çaker kemineleridir.

Konya eyaleti dahilinde kâin Hadim kazasına tabi' Ilıcapınar karyesinden olup karye-i mezkur sakinlerinden Ekmele Kuyesi? Oğlu Mustafa ile oğlu Mustafa'nın oğlu oğlu Mehmed nam kimesneler oraca taraftar bulunduklarından bir bab samanlığım ile şefisi bulunduğum dört göz odayı merkum Mustafa almış ve bigayri hak zabt eylemiş olduğundanmahallince her ne kadar davaya kıyam eylemiş isemde üzerime hücum ederek bıçak ve elan sâire ile bu kulların darb ve mecruh eylediklerinden almış oldukları mezkur samanlık ile dört göz odası pederinden olmak ve nefisleri idarece ............. rabt olunarak kullarımın mühlikeden vikayesi beyninde Konya valisi devletlü paşa hazretlerine bir kıta emirnamesi hal-i şartıyla buyurulması beyninde.

KIZ KAÇIRMA

konya Meclisinin 1 Receb sene 75 tarihli Meclis-i Valaya i'ta buyurulan iki bend bir kıt'a mazbatasında Aladağ kazasına tabi' Aşağı Akın karyesli Süleyman oğlu Hasan karye-i mezbure ahalisinden Derviş Ali Havace nam kimesnenin kızı Bekir Baliğa Hatice'yi rızasıyla Ermenek kazasına kaçırarak orada kendüye akd-ı nikah ettirdiği ve Akşehir kazasında müsafereten mukim Kıbti tâifesinden Ali nam kimesne dahi karye-i mezkure sakinelerinden Selime'yi rızasıyla alub kendüye akd etmek üzere Akşehir'e gelürler iken bir saat mahalde mezburenin bikrini izale eylediği ikrarlarıyla tahakkuk edüb fakat mezbure Selime'nin akdine validesi aişe muvafakat göstermiş ise de dayısı Süleyman merkum Ali Kıbti olduğundan akde mübaneat eylemiş olmasıyla bu babda tevcihle muamele olunmak lazım geleceği istibdat olub ol-babda 10 ...... sene 75 rakamlı Tatbik-i Kavanin Cemiyetinden verilen müzekkereye nazaran merkum Ali'nin vech-i mukarrer üzere fi'li zina olduğundan basar-ı hâkimden gâib olunca kader üç kere hakim red ederek Mecâlis-i erbaada tabian ikrar etmiş ve ledü'l-sual mahiyet ve keyfiyet ve mekan-ı zinayı dahi beyan eylemiş merkum Ali'ye hadd-i zina icra kılınmak ve mezbure Selime'nin anasından akreb velisi olmayubda anın izniyle nefsini sükud-ı mahzarında merkum Ali'ye tezviç ettiği halde dayısı merkum Süleyman'ın i'tirazına havale-i sem'-i itibar olunmak muktezay-ı şer' idüğü cânib-i vetvahâneden bâ- müzekkere beyan olunmuş olduğundan icâb-ı şer'inin ol-vechile tesviyesi ve kanun-ı cedidin yüz doksan sekizinci maddesinde bir adam bir kimseye cebren fi'li şeni' icra ider, yani ırzına geçer ise muvakkaten küreğe koyulur ve iki yüzüncü maddesinde eğer vböyle cebren fi'li şeni' henüz berâda tezviç olunmasmış kız hakkında vuku'bulur ise buna mütecasir olan kimse kürek cezasından başka tazmin vermeye dahi müstahak olurve iki yüz altıncı maddesinde dahi her kim sînn-i büluğa varmamış bir çocuğu cebren veya hile ile bir tarafa kaçırır ise üç aydan bir seneye kadar habs olunur ve eğer kaçırılan kız hakkında fi'l-i şeni' icra olunmuş ise buna mürtekib olanlar haklarında o fi'l için muayyen olan cezanın nihayet derecesi icra olunur ve bir kız kaçırıldığı halde nikah vuku'bulmuş ise iktizây-ı şer'isi üzre hareket olunur deyu muharrer bulunduğuna ve efal-i mezkure ise cebri olmayub rızay-ı tarafeyn ile vuku'bulmuş olduğu ve hususuyla mezbure Hatice ve Selime'nin sînn-i büluğu tecazüz eylemiş oldukları cihetle merkumanın suret-i mücazetle ahkam-ı kanuniyyeye tavafuk etmediğine binaen ber mûcib-i müzekkere merkumânın mahbusta ise tahliye-i ........ husususn cevabnâme-i sâmi tastiriyle mahallen iş'arı ve bu mesellü her kaza ............. mahalde velisi izni olmayan kızların akd-ı tenkihinden .............. memnu' iken Ermenek'teki imamın mezbure Hatice'yi hod-be-hod akd eylemiş mesûliyetini müstelzim ise de bu def'alık te'dibinden sarf-ı nazarla ba'de ez-bün böyle hilaf-ı usul harekete ibtidar eden imamlar hakkında te'diyât-ı mukteziyye icra olunacağının icab edenlere i'lanı zımnında bu suretin dahi yazılacak emirnâme-i samiye derci Meclis-i Vala'da tezekkür kılınmış ise de ol babda emr u ferman hazret-i men lehü'l-emrindir.

19 .......... sene 75

KIZIL ÇAKIR BASKINI

Dahiliye Nezaret-i Celilesine

Devletlü Efendim Hazretleri

Hadim kazasından Karaman'a asker sevk etmekte bulunan Jandarma müfrezesinin Kızılcakır? Karyesi civarında tesadüf ettiği üç kişinin teslim emrine iteat etmediklerinden silah isti'mal ve bir müddet devam eden müsademe neticesinde birisi maktulen diğer ikiside hayyen derdest ve müfreze tarafından Karaman'a sevk edildikleri ve kendilerinin Bozkır'ında yine …..karyesi ve Hisarlık karyesi ahalisinden oldukları berayı ma'lumat ma'ruzdur. Ol-babda emr u ferman men lehü'l-emrindir.

22 Cemaziyelahir sene 37 ve 25 Mart sene 35

MUHACİRLERE HADİM TARAFINDAN YAPILAN YARDIM

Konya sancağına gönderilen muhâcirin için Esbkeşan kazası ahalisi tarafından Paşadağı civarına yapılmış olan kırk bab hanenin masarıf-ı inşâiyyesi bulunan kırk bir bin üç yüz kuruş ve şehr-i Nisandan beri kaza-i mezburdan mürur ve ubur eden muhâcirinin nakliçün verilen bin iki yüz adet araba kirası ve mekülât-ı masarıfı olan yirmi sekiz bin yüz yirmi üç kuruş ile ve vâridat-ı masarıfat beşyüz üç nüfus yetmiş altı senesi Eylülü ibtidasından yetmiş yedi senesi Martının on birinci gününe kadar altı mah on bir günde verilen nân-ı aziz ve rogan vesaire bedeli bulunan yetmiş bir bin yüz on üç kuruşuna ceman bir yolda kırk bir bin iki yüz otuz altı kuruşun ve Hadim kazası ahalisi tarafından dahi tedarik ve irsal kılınan on bin kuruş iâne-i nakdiyenin bir hizmet-i fâhire üzere Hazine-i Celileye terk ve teberru' olduğundan kabulü istidasına dair tanzim olunan mazbatalarla gönderildiğini mutazammın 17 Cemaziyelevveli sene 78 tarihiyle ve yüz on dört numarası ile murakkam Konya Meclisinin tevarüt eden mazbatası meali ve mezkur mazbatalar müeddaları malum olmuş ve ahaliy-i merkumanın buı babda vuku'a gelen hizmetleri eser-i hamiyyet ve mucib-i mahzuzîn olarak keyfiyet-i ceride-i havadise derc ile i'lan ettirilmek üzere bulunmuş olmakla işbu mahzuzatın ahâliy-i merkumaya tebliğ ve ifadesi hususuna himmet itmeleri siyakında şukka.

Ceride-i Havadise müzekkere

Olunduğu mahallinden ba-mazbata ifade olunmuş ve âhaliy-i merkumanın bu babda vuku'a gelen hizmetleri şâyan-ı takdim görünmüş olmağla keyfiyet-i emsali misüllü ceride-i havadise derciyle i'lanı içün işbu tezekkür.

OSMANLI DÖNEMİ MEMUR MAAŞLARI

Asalet-i vechile idare etmekte idüğü

Larende nam diğer Karaman kazası

Müdürü Osman Ağa

Ereğli Kazası Müdürü Raşit Efendi

Şecaaddin Kazası Müdürü Raşid Ağa

Bozkır Kazası Müdürü Hasan Efendi

Kırali Kazası Müdürü Selim Ağa

Seydişehir Kazası Müdürü Hurşit Efendi

Akşehir Kazası Müdürü İsmail Bey

Seyitili Kazası Müdürü Halil Kemal Ağa

Irgıdhanı Kazası Müdürü Abdülkadir Ağa

Koçi Kazası Müdürü Hasan Efendi

Belviran Kazası Müdürü Mehmet Ağa

Aladağ Kazası Müdürü Rüştü Efendi

Esbkeşan Kazası Müdürü Mehmet Efendi

Divele? Kazası Müdürü Hacı İbrahim Ağa

Ğafariler?? Kazası Müdürü Selim Ağa

Beyşehir Kazası Müdür vekili sabık Efendi sadr-i âli hulafa-i mektubi

[Müdür bulunan Mustafa Ağanın azliyle yerine kudemây-ı havahegân Divan-ı hümayundan fütüvetlü sabık Efendi bi'l-vekale ta'yin olunarak 23 Cemaziyelevveli sen 78 tarihiyle keyfiyeti ba mazbata arz ve inha olunmuş idükte mazbatası taharri ise de bulunamadığından nüsha-i sâbit olarak mahallinden tekrar.]

Ilgın Kazası Müdürü vekili Abdullah Ağa

[Keyfiyeti derdest arz ve inha bulunduğu]

Bekişad?? Kazası Müdürü vekili Hacı Mehmet Ağa

[Keyfiyeti derdest arz ve inha bulunduğu]

....... Sarı Kazası Müdürü vekili Abdullah Ağa

[Kemah hanedanından Abdullah Ağa bi'l-vekale ta'yin olunarak keyfiyeti 3 Cemaziyelevveli sene 78 tarihiyle ba mazbata arz ve inha olunmuş idükte mazbata olunmuştur.]

Hadim Kazası Müdürü vekili Rıza Efendi

[Keyfiyeti derdest arz ve inha bulunmuş idükte]

Karapınar Kazası Müdürü vekili Mehmet Bey

[Müteveffa Ali Paşa biraderzadesi Mehmet Bey bi'l-vekale tayin olunarak keyfiyeti 3 Cemazieyevveli sene 78 tarihine ba mazbata inha kılınmış idükte mazbata olmuştur.]

Keşanlı Kazası Müdürü Osman Ağa

• Asaleten idare olunan

• Vekaleten idare olunan

Meclis-i Valay-ı Ahkam-ı Adliyye

Konya eyaleti dahilinde bulunan kazalar müdürlüklerinin ne kadarı vekil ve ne kadarı asıl idaresinde bulunduğunun isti'lamına dair umum sırasında yazılan emirname-i samiye cevaben Konya Meclisinden varid olub 18 Şaban sene 78 tarihli Meclis-i Valaya havale buyurulan bir kıta mazbata ile melfuf deftere göre zikr olunan kazalardan Beyşehir ve Ilgın ve Hadim kazaları vekaletle idare olunmakta idüğü ve Beyşehiri müdürlüğüne tayin olunmuş olan Mektubi Sadr-ı Âli hülefâsından sabık Efendinin icrây-ı asâlet me'muriyeti istizanına dair tanzim olunan mazbata keçende takdim olduğu gibi diğerleri dahi derdest arz ve inha bulunduğu gösterilmiş ve eğerçe mazbata-i merkumenin vüruduna mütedâir bir gûna kayd bulunamamış ise de muam ileyh sabık Efendinin kudemây-ı hülefadan olması ve münasip bir müdürlükte istihdam olunmak üzere ba emirnâme-i samiy-i bu taraftan gönderilmesi cihetle anın mahsusu olan bin kuruş maaşla tastik-i asalet me'muriyeti münasip olduğu mesellü Bekişad?? Kazasının iki yüz kuruş maaşı olarak bu miktar-ı maaşla o kadar uzak mahalle bu taraftan müdür gönderileceğinden oraya dahi münasebetin mahallince vekaleten müdür tayiniyle asalet-i me'muriyetinin istizan olunması hususunun Konya Valisi devletlü Paşa hazretlerine emr ve iş'arı ve zikr olunan Ilgın kazsının ........ ve Hadim müdürlüğünde yedi yüz elli kuruş maaşları olarak bu makule müdürlüklere buradan münasiplerinin gönderilmesi usul-ı müttehazesi müttehazesi icabından bulunmasına ve defter-i mahsusuna esamisi muharrer bendegandan ve Mekteb-i Mülkiye şakirdanından Süleyman Sırrı Efendinin Ilgın ve Keşan kazası müdürü Sabık Mehmet Emin Efendinin dahi Hadim müdürlüklerine intihab kılınmasına mebni muma ileyhanın mezkuru'l-mikdar maaşlarla zikr olunan kazalara icray-ı memuriyetleriyle suret-i hâlin ve eyalet-i mezkureye mülhak elviye dahilinde bulunan kazalar müdürlükleri defterinin dahi serian tanzim ve irsal olunmasının yazılacak emriname-i sâmiye derc ve ilavesiyle hazinece ifay-ı maksatının dahi Maliye Nezaret-i celilesine havalesi tezekkür kılındı ise de ol-babda emr u ferman hazret-i men lehü'l-emrindir.

RÜŞVET DAVASI

Hadim kazası kaymakamı sabık Nuri Efendinin yeğeni Lütfi'nin memleketince gıyaben numarası keşide olunarak asker olduktan ve nâmına mahsus mahall-i ahz-ı asker şubesinden numarası postası geldikten sonra kaza-i mezkur Mekteb-i Rüştüsü Muallimi Numan Efendinin medresesindeki telebe defterine kayd ile askerden kurtarmaya cür'et eylemiş olmalarından dolayı kaymakam muma ileyhin azliyle muallim Numan ve Nüfus Katibi Mehmet Efendileriyle birlikte taht-ı muhakemeye alınmaları Şuray-ı Devlet kararıyla bi''-istizan şeref müteallık buyurulan irade-i seniyye cenab-ı padişahi makruza-i âlisinden olduğundan bahisle icrây-ı icâbını mutazammın dahiliye Nezaret-i celilesinden Konya vilayetine sebk eden iş'ar üzerine icra kılınan tahkikat istiza kıyye neticesinde bu madde hakkında muma ileyhimin mesuliyetleri mûcib bir hal görülemediğinden Meclis-i idâre-i vilayet müstantıklığından i'ta olunan men'-i muhakeme kararnâmesi suretinin kaymakam muma ileyh Nuri Efendinin vuku'bulan talep ve istidası üzerine irsal kılındıuğına dair vilayet-i mezkureden nezaret-i müşarun ileyhaya varid olup şuray-ı devlete havale buyurulan tahrirat ile melfuf kararnamae sureti Şuray-ı Devlet istiknaf müddii umuminin zuhur-ı evraka muharrer mütalaasıyla beraber muhakemat dairesinde kıraat olundu.

Mezkur mütalaada gösterilmiş olduğu vechile mahbus-ı anh olan kararnamenin Muhakemat Dâiresine cihet-i taallukun olmadığından Nezaret-i müşarun ileyhaya iade buyurulmak üzere makam-ı âliy-i cenâb-ı riyasetpenâhilerine takdimi tezekkür kılındı.

Ol-babda emu ferman men lehü'l-emrindir.

15 Zilkade sene 308 11 Haziran 307

SALİH PAŞANIN MİRASI

Maliye Nezaret-i celilesinin 4 Safer 77 tarihiyle Meclis-i valaya havale buyurulan bir kıta takdirine nazaran merhum Salih Paşa akrabasından Rüveyda Hanımın vefatı vukuuna mebni mahlul olan şehri yüz elli kuruş maaştan seksen kuruşun şeriyet-i merhamet olduğu tahakkuk eden hemşiresi Maide Hanım ve yirmi kuruşunun bu işce dergah-ı şerifi postnişini Mehmet Sırrı Efendi ve otuz kuruştan muhtacinden Ayasofya-i Kebri'de Dersaadet Hadimzade Seyyit Mehmet Efendi ve yirmi kuruşunun dahi Çolak Osman Ağaya ba-kayd-ı hayat ve i'tası muvafık-ı nizam olmağla ber mûcib-i takrir ifây-ı muktezasının nezâret-i müşarunileyhaya havalesi Meclis-i Vala'da dahi tezekkür kılınmış ise de ol-babda

Maliye Nezaret-i celilesinin 4 Zilhicce 77 tarihiyle Meclis-i Valaya havale buyurulan bir kıt'a takririne nazaran merhum Salih Paşa akrabasından Rüveyda hanımın vefatı vukuuna mebni mahlul olan şehri yüz elli kuruş kuruşun şeriyet-i merhamet olduğu tahakkuk eden hemşiresi Maide Hanım ve yirmi kuruşunun bu işce dergah-ı şerifi postnişini Mehmet Sırrı Efendi ve otuz kuruştan muhtacinden Ayasofya-i Kebri'de Dersaadet Hadimzade Seyyit Mehmet Efendi ve yirmi kuruşunun dahi Çolak Osman Ağaya ba-kayd-ı hayat ve i'tası muvafık-ı nizam olmağla ber mûcib-i takrir ifây-ı muktezasının nezâret-i müşarunileyhaya havalesi Meclis-i Vala'da dahi tezekkür kılınmış ise de ol-babda emr u ferman hazret-i men lehü'l-emrindir.

SARNIÇ KÖYÜ

Konya sancağı dahilinde kâin Hadim kazasına tabi' Sarnç karyesi ahalisinden İnce Ali oğlu Süleyman bundan akdem üvey validesi Fatıma Hatunu alet-i ceriha ile katl ederek firar etmiş olduğundan ve mezburenin zevci Abdülbaki Efendi ile kız karındaşına munhasır olarak kendüsü mezbure tarafından vekil tayin oldunduğundan katil-i merkumun Dersaadet'e celbiyle terafi' muhakkak olunması hususu Horhor Medresesi sakinlerinden ve talebe-i ulumdan Mesut Efendi tarafından mukaddema vaki olan istidaya mebni yazılan tahrirat-ı senaverimce cevaben Konya valisi atufetlü Paşa hazretleri tarafından gelen tahrirat ile kaza-i mezbur meclisi mazbatası katil-i merkum fezahat-ı mezkureye............... sonra oralarda eğlenmeyüb İzmir cânibinde vaki Kızldağ nam mahalle firar etmiş olduğu ve mahall-i mezbur makulelere daru'l-eman olarak taharri olundukta ahalisi vermekten imtina' ile inkar etmekde âdet-i dirineleri idüğü muamma-i tahkik olduğu ifâde iş'ar kılınmış olmağla şer-i şerif ve Meclis marifetiyle tahkikat-ı lazımenin icrasıyla kâtil-i merkum fi'l-hakika mahall-i mezbure olduğu anlaşıldığı halde derhal buldurularak mahbusta tevfikiyle icray-ı icabı zımnında keyfiyetin ba mazbata ve i'lam bu tarafa bildirilmesi hususuna derkar buyurulmak siyakında şukka.

SARRAF İSTOVRİ

Konya Valisi Hazretlerine

Sarraf İstovri ile Dimitri'nin takdim eyledikleri arzuhalde Hadim sakinlerinden Hadimizâde Mehmet Çelebi Efendi Dimitri'nin ba temessük yirmi dokuz bin yedi yüz yetmiş elli kuruş ve icab eden güzeştesi üç bin seksen kuruş ceman iki bin sekiz yüz elli üç kuruş alacağı olup kable'l-eda efendi muma ileyhin vuku'u vefatına mebni meblağ-ı mezbur veresesinden talep olunmuş ise de edasında muhalefet olunduğundan aslıyla taraflarından tevkil olunan Çavdar oğlu Hacı .............. teslimi hususu istida olunmuş olmağla şer-i şerif ve meclis mağrifetiyle rü'yet-i hali meblağ-ı mezburun tahsiliyle vekil-i merkuma teslimi ve keyfiyetin iş'arı hususuna himmet buyurmaları siyakında şukka.

SELANİKLİ RIZA EFENDİ'NİN ŞİKAYET EDİLMESİ

Hadim kazası Kaymakamlığı Huzur-ı âlisine

Maruz-ı dâîyânemizdir.

Umur-ı idâresi uhde-i riyâset-i âliyelerine ihâle ve tevfiz buyurulan bu Hadim kaza-i mukaddesesi yüz elli seneden beri değil yalnız Konya vilayeti celilesi belki umum vilâyât-ı umûmiyye indinde bu kazanın her bir menhiyâtından sâlim olduğu müsellim ve musaddak iken Selanik ahâlisinden ve uhde-i şahâneyi celb ile kazamıza nakiben gönderilen Rıza Efendi değil eyyâm-ı sâirede Ramazan-ı mübârekte bile kazamızca emsâli gayr-i mesbuk olan şurb-ı hamr ve'l-ibyân-ı nisvan ................ ............... ve buna mümasil herv türlü menhiyât-ı gayr-ı meşruâya cür'et ettiği ma'lum-ı âli ve cenâb-ı kaymakamlıkları buyurulan merkum Rıza Efendi burada durdukça her türlü fesâdât-ı azime zuhura geleceğinden lutfen merkum Rıza Efendinin bir an evvel yani ilerde melhuz ve musavver olan fesada meydan verilmeyerek ref' ve def'i hususuna hemen âliye-i cenâb-ı kaymakamlarının şayan buyurulmasını istida eyler ve merkum ol-babda ve her halde emr ve irade emr efendimin.

El-müderris Hakkı Numan Efendi el-Müderris Hadimi Hacı Hakkı

El-Müderris Hacı Yeğen? Efendi el-Müderris Hadimi Hacı Yeğen Efendi

El-Müderris Hadimi Said Efendi el-Müderris Hadimi Mehmed Efendi

El-Müderris Mehmed Efendi El-Müderris Said Efendi

El-Müderris Hacı Yeğen Efendi el- Müderris ...... Efendi

El-Müderris Hakkı Numan Efendi

İşbu istida münderecâtı mukârin-i sıhhat olduğu tastik olunur.ol-babda

TAŞKENT CİNAYET SORUŞTURMASI

Konya valisine ve buyuruldu-i ata'

Konya sancağına tabi Hadim kazasında Pirloganda karyesi ahalisinden olup mazruben vefat eden Hasan'ın verese-i munhasırasından babası Hüseyin'in kendi tarafından asaleten ve inasıyla zevcesi tarafından vekaleten maktul-ı merkum katli bulunan Mustafa ile icra olunan merafialarına ndair varit olan mqazbata ve i'lam Meclsi-i Valayaları illa ata müekkillerine nazaran maktul-ı merkum Hasan katili merkum Mustafa'nın zevcesine tasallut kasdıyla vefatından birkaç gün evvel hanesine gitmiş olduğundan merkum Mustafa karye-i mezkure ahalisinden Mehmed nam kimsenin hanesinde merkum Hasan'ı kebir taş ile amden darp edip iki gün mürurundan vefat eylediği beyan ile sabit olduktan sonra merkum Hüseyin dem ve debine müteallığa amme-i davadan katil merkumun zimmetini meccanen ibra ve iskat eylediği anlaşılmış olmasıyla bu surette ve müekkeleten mezbur tevkillleri ve şehadet eden şahitle müekkeleten mezbur tanık tevkillerine şehadet eden şahidler müekkiletân mezbur tanık cetleri isimlerini zikr ederek şehadet etmişler de'b-i merkum Hüseyin ibrây-ı mezkur-ı müekkelelerine izafet eylemiş ise verese-i mezbure fima ba'd husus-i mezkurede merkum Mustafa'nın nesne davasına kadar olmayacakları cenab-ı fetvahaneden beyan kılınmış ve kâtil-i merkumun bu vechile dem ve debinden avf olunması cihetle hakkında kısası ve diyet sakıt olmuş olduğundan merkumun ber-mûcib-i kanun mahbususnu tarihinden itibaren Tersane-i Amire'de yedi sene müddetle vaz'-ı kürek olunmasıyla ve hitam-ı müddetinde memleketine tart ve def kılınmak üzere bu tarafa irade-i hususunun sevb-i valalarına bildirilmesi Meclis-im mezkureden bi'z-zabt ifade olunmuş olmakla merkumun mahbusunu tarihi gösterilerek mahfuzen bu tarafa irade lasım geleceği beyanıyla şukka.

TAŞKENT'TE HANEYE TECAVÜZ

Konya sancağında Hadim kazası kurrasından Pirloganda karyesi ahalisinden olup yetmiş senesi Şabanının yirmi ikinci günü mazruben vefat eden Hüseyinoğlu Hasan nam kimsenin karye-i mezbure sakinlerinden Mustafa b. Mehmed'in zevcesine tasallut kastıyla vefatından birkaç gün evvel hanesine gitmiş olduğundan merkum Mustafa merkum Hasan'ı yine karye-i mezkure ahalisinden Mehmed nam kimsenin hanesinde ................. başına ve koynuna ve kulağı tözüne urub müteessiren iki gün sonra vefat eylediği maktul-ı merkumun babası merkum Hüseyin kendi tarafına asaleten ve maktul-ı mezburun zevcesi mezkuresi Kezban ve validesi Fatıma tarafından vekaleten ledü'l-iddia katil merkum Mustafa'nın veku'-ı inkarı üzerine yine karye-i mezbureden Hasan ve Mustafa nam kimesnelerin şahadetleriyle hususi katilin vech-i meşruh üzere merkum Mustafa tarafından sübut-ı süduruna hükm-i şer'i lahak olduğundan sonra eb-i merkum Hüseyin asaleten ve vekaleten katil mezbur Mustafa'nın diyetinden zimmetini ibra ve iskat ederek ol-babda cenab-ı şer-i şeriften tanzim olunan i'lam dahi leffen taktim kılınmış ve bu katl maddesi hanesinde vuku'bulan merkum Mehmed'in hususi katl-ı mezburede bir gûne muâvenet ve müdhali olmadığı icra olunan tahkikattan anlaşılmış ve zuhur-ı irâde-i seniyye-i vekaletpenahilerine terkiben katl-i mezbur mahbusta tevkif olunmuş ce icray-ı iktizası rey ve irâde-i aliyye-i sadaretpenahilerine tevkif bulunmuş olmakla ol-babda ve herhalde emr u ferman men lehü'l-emrindir.

TAŞKENTE HÜKÜMET KONAĞI YAPILMA İSTEĞİ

Rikab-ı kamer tâb hazret-i şâhinşahiyye

Bu remiz esmân-ı hilafet ve afitâb-ı cihantab .........saltanat-ı padişah adalet pîşe ve şehriyâr-ı hakayık endişe veli-niğmet âlem ve bâis refah-i kaffe-i ümm-i şevketlü, kudretlü, atufetlü, efendimiz hazretlerinin rikab-ı şahanelerine arzuhal hicret-ma'l ......... cenâb-ı hüday-ı bi'yçün medâr-ı bhayat ve istirahat-ı âlem olan vücud-ı nadiü'l-mevcut cihanbânilerin ila kıyamü'a-saa mensıyye saray-ı şevket ve şan ve bi'l-cümle hükümet-i bend-i tahtında bulunan teb'ai nâcidarların zir-i cenah adl ve iktinah hakanilerinde makâsıd-ı firavan buyursun. Amin İstirahat-ı âhali için bunca kanun vesikalar vazıyla zaman-ı saltanat şahanelerinde memalik-i mahruse sekenesinin müslim enâsı olan adsl ve adâlet mazhar ve ez-cümle kâffe-i melal muhtelife akibetle yaşayıp kânun-ı esâsi ahkam-ı celilesine müyesser olmak bir fert kalmadığından sırada Konya vilayeti dahilinde Hadim kazasına merbut Pirloganda karyesi ahalisi el-hâletü haza pence-i asârından tahlis keribân olmadığı cihetle mülcen penâhımız olan huzur-ı meâli mevfur-ı hümayunlarına dehâlet ve ağaz-ı kelâma cür'et eder ve deriz ki altı yüz haneyi mütecâviz cesim bir karye ve kazanın üstü bulunub bundan akdem merkez-i kaza iken oda uçta bulunan ve nihayetü'n-nihaye otuz beş haneden ibaret olan Yukarı Hadim karyesinden zirde isimleri muharrer Efendiyan zi-nüfuz ve tefrit etmeleri hesabıyla zülmen ve tağliben karyelerini mukarrer hükümet ittihaz ettikleri ve bunlarda cümlesi bir familyadan ibaret olup her biri hükümet-i seniyyede câlis ve etrafı ihata ederek ve zulm ve ta'dilerine ve arz-ı kaza niyetlerine kâb âver olamayarak evvelce bir çok ahalimiz için hicret eyledikleri ve bu kere dahi cümleten diyâr-ı âhire nakl etmeklüğü ihtiyar edilmekte ise de naim-i celile-i adalet-i şehriyarlarının mahrum bırakılmayub kâide hassasında olunmak üzere efendiyânın ahval-i nâbicâ ve garazkarânelerini ber vech-i âti arz ve ta'dada mübâderet olunmuştur. Şöyle ki Meclis-i idare a'zasından birisi Nail Efendi el-yevm müfti-i kaza Numan Efendinin mahdumu ve Tahrirat Katibi Said Efendi biraderi ve a'zay-ı diğeri Abdullah yeğeni ve Evkaf Vekili ünvanıyla Meclis-i Mezkurda a'zalık sıfatında bulunan Nüfus Memuru Mehmet ve Mal Müdürü Ahmet ve ayrıca muharrer efendiler ve amucazâdeleri ve devâir-i sâire dahi bu nisbette olub cümlesinin yekdiğere karabet çehreleri girift olmuş ve şöyle bir zaman-ı adâlette herkesi cür'et-i şahsiyelerine muvakkat bi'l-hayr oldukları ve beynennası tam esâret ve hakâret-i ref' olunduğu halde bilakis bu abd-i memlukeleri henüz bu niğmet-i celile-i la bi-hiseden hisseyâb olamamışlardır. Ma ma fih mezkuru'l-esâmi efendiyan kazaya iki taraf edüb bir tarafta sergerdesi Nüfus me'muru Mehmet diğer tarafta Mahkeme-i Bidayet a'zasından Ahmet Efendiler meyanında bulunan adâvet-i kadimelerine mebni ashab-ı mesâlihten birisi hükümet-i seniyyeye hîn-i müracaatında hasbe'l-icab sergerde-i merkûmenin birinin set ve kapusu önünden geçtiği görülür ise bu kimse taraf-ı âhireden zannıyla elinden geldiği mertebe derhal fenalık yapmaya sai ve gayreti ile geldiği gibi şayet tarafından birisine serfüru etmez ve doğruca tesviye-i .......... mübaderet eylerse bu kere her iki taraf yekdiğerin himayesinde eda ederek âdeta ol-zâtın i'damı derecesine kadar ifrat ve iftiraya cür'et etmekten gerü durmadıkları müslim mevâdtandır. Binaen aleyh bundan akdemleri ahâliy-i kazadan birisi icâb-ı takdirinde korkmanın hanelerine vereceğinden diğeri nefasetini havfından nâşi nisa tâifesi kıyafetine ......... idi. El-hamd vatana ............ ve tesisi buyurulan kânun-ı adâlet bir nebze bu hâli pür melalden kurtarmış ise de yine merkuman yekdiğeri aleyhine kıyam ve alûde oldukları meslek-i mezmumelerine adûl ve tarafgirlik korkusu istişmam olunmasıyla mülakiyle devlet ve milletçe fâide-i azimeyi mûci b ve evvelce merkez-i hükümet olubda sâlifü'l-arzı efendiyânın tağliben gözüsünden ahz ve zabtını müteveccib bulunan ve derece-i cesâmet ve emsali civar-ı kazalarda görülemeyen Pirloganda karyesinde hükümet konağı taraflarımızdan inşa olunmak şartıyla nakli olamadığı surette diğer kazaya ilhakıyla bina teşkil buyurulmasını niyaz-ı fevk'al-fâyesiyle muhtacı bulunduğumuz adâlet-i şehriyarilerinden bu fakir kullarınki dahi hisseyab buyurulmaklığımızın bize ve kaffe-i ahvalde emr u ferman şevketlü, muhabbetlü, kerametlü, padişahımız efendimiz hazretlerinindir.

27 Kanun-ı evvel sene 313

YELMEZ CİNAYETİ

Konya sancağı Aladağ Kazasına tabi' Yelmez karyesi sakinlerinden Mehmed bin Seyyid'in hayvanı bundan akdem yine karye-i mezbureden ......... oğlu Mustafa'nın bostanına girmiş olmasından dolayı ................ vuku'bulan münazaada merkım Mehmed mezbur Mustafa'yı darp etmek esnasında merkum Mustafa'nın ............. olup karye-i mezburede ..........eden ........... Zinci Said nam kimesne bunların yanlarına varub .......... ile merkum Mehmed'in başına darp ve ......... ederek darp-ı mezburun tesirinden on güne mürurunda vefat eylediği verese-i maktul mezbur Mustafa dahi bıçak ile maktul merkum Mehmed'in darp ve cerh etmiş olduğunu ifade ve iddia eylemişler ise de ......... mezkure maktul-ı merkumun başı şişmiş olduğundan bıçak veya taş darbından cerh olunduğu için keşfinde bilinemediği kaza-i mezbur mecalis tarafından vâli-i sabık devletlü paşa hazretlerine ifade olunmuş olduğunda üzerine müşarun ileyh hazretleri tarafından merkûmân Mustafa ve Zenci Said celb olarak verese-i maktul ile icra olunan muhakemelerinde ............... mezbur Mehmed'i yetmiş iki senesi Muharreminin onuncu Cuma ertesi günü bostan ............. dolayı merkûmândan Mustafa bıçak ve Zinci Said taş ile başına darp ederek ikisinin ........ darplarından müteessiren on ......... mürurunda vefat eylediği iddia olunmuş olup merkumandan Mustafa müteveffa merkum Mehmet ile ........ vuku'bulan münazaayı ikrar ve bıçak ile darp ............ inkar ve mezbur Mehmed ........... darp ve cerh eylediği ve merkum Zinci Said yetişip .......... tahlis etmiş olduğu beyan .......... etmiş ve Zinci-i merkum Said dahi merkum Mustafa'nın ifâde-i meşrudesini tasdik ile hususi darbu külliyen inkar eylediğinden üzerine verese-i mezbure lafzından ikâme olunan yine karye-i mezbure ahalisinden Mehmed ve diğer Mehmed ........... kimesnelerin şahadetleriyle maktul merkum Mehmed'in başına merkum Arab Said ........ taş ile vurub kara bere ederek on ............ mürurunda darb-ı mezkurun te'sirinden vefat eylediği ............... ve tahakkuk edüb hususi katlin mûcib-i diyet olduğunu ve verese-i maktul mezbur-ı merkum Mustafa'nın bıçak ile darbına ikâme-i ......... iremedikleri misüllü tahlifine dahi talip olmadıklarından merkum Mustafa hakkında şeran nesne lazım gelmediği ve sûret-i muhakemeyi mübeyyin cânib-i şer-i şerifine bir kıta i'lam tanzim kılınmış ve merkumân Said ve Mustafa'nın ifâde-i vak'alarına .......... münazaa ve ve mudarebeye nazaran maktul-ı merkum Mehmed mezbur Mustafa'yı darb ve cerh eylediğine merkum Said yardımcısı bulunduğunu ve beyanlarında burada da husumet ve adavet hasıl oldu halde Merkum Mustafa'nın elleri bağlı gibi durmayacağı ve bu katl maddesinde müdahili bulunmuş olacağı ve ........... görünmüş ve merkumân Said ve Mustafa tarih-i mezkur ........... ve mahpusu bulunmuş ve ........... i'lam .......... takdim kılındığından keyfiyet-i ............. dahi ma'lum ................ sedaretpenâhileri buyurulacağı ve icray-ı iktizası mütevakkıf emr ve irade-i isabet mu'tad-ı vekaletpenahileri olmakçün ol-babda emr u ferman hazret-i men lehü'l-emrindir.

Abdullah Balon
	Hadim'in Kurulması
Dr.Ali Çınar
	Nisan Ayı Şiiri
Muzaffer Altındaş
	Köy ve Köy hayatından Kesitler
Mustafa Özçetin
	İSTANBUL' DA Kİ HADİMLİLER GECESİNDEN

ALACAK DAVALARI

ALADAĞ AYANI HACI MEHMET

ALADAĞ VERGİLERİ

ALADAĞIN KARAMANA BAĞLANMA KARARI

ARAZİ DAVASI

ASKER KAÇAKLARI VE TOPLANAN VERGİLER

AŞAĞI HADİM

AŞAĞI HADİM VERGİSİ

BERBER BURİ

DÜLGERLER

ECZACI KALFASI

ECZACININ HADİME ISLAH İÇİN GÖNDERİLMESİ

EDİRNELİ ŞEH MEHMEDİN HADİMDE ISLAH EDİLMESİ

EVLİLİK

HADİME POSTA MERKEZİ KURULMASI

HADİMİN BELVİRANA BAĞLANMA TEKLİFİ

HADİMİN KARAMANA BAGLANMASININ ASKERİ AÇIDAN SAKINCALI OLDUĞU

ILICIPINAR SAMANLIK DAVA SONUCU

KIZ KAÇIRMA

KIZIL ÇAKIR BASKINI

MUHACİRLERE HADİM TARAFINDAN YAPILAN YARDIM

OSMANLI DÖNEMİ MEMUR MAAŞLARI

RÜŞVET DAVASI

SALİH PAŞANIN MİRASI

SARNIÇ KÖYÜ

SARRAF İSTOVRİ

SELANİKLİ RIZA EFENDİ'NİN ŞİKAYET EDİLMESİ

TAŞKENT CİNAYET SORUŞTURMASI

TAŞKENT'TE HANEYE TECAVÜZ

TAŞKENTE HÜKÜMET KONAĞI YAPILMA İSTEĞİ

YELMEZ CİNAYETİ

Anamenü

Güncel

Köşe Yazarları

Atatürk Köşesi

Döviz Kurları

Kaybettiklerimiz

Faydalı Linkler

Hava Durumu